Хајдук го најави доаѓањето на Ракитиќ со специјално видео: Хјустон, немаме проблем (Видео)

Пристигнувањето на Иван Ракитиќ во Хајдук е топ вест во Хрватска и регионот, а поранешниот хрватски репрезентативец ќе биде уште едно големо засилување за сплитските „били“ во новата сезона.

Трофејниот фудбалер реши да ја заврши авантурата во Ал Шабаб за многу кратко време и на крајот потврди дека ќе соработува со Џенаро Гатузо, тренерот чија задача ќе биде да ја прекине доминацијата на Динамо во хрватското првенство.

Хајдук доцна синоќа го потврди пристигнувањето на Ракитиќ со специјално видео, во кое главна тема а лансирањето ракета, алудирајќи на популарниот надимак на 36-годишниот фудбалер.

– Хјустон, немаме проблем. Ние имаме решение, – стои на крајот на видеото кое дополнително ја зголеми еуфоријата кај фановите на хрватскиот клуб.

Ракитиќ денеска треба да биде претставен на официјална прес-конференција најавена од Хајдук.