Ѓоковиќ го скрши отпорот на Хуркач и стигна до историски 100. трофеj во кариерата

Новак Ѓоковиќ имаше сет негатива и мораше да игра долг меч против Роберт Хуркач, но на крајот победи со 2:1 во сетови во финалето на АТП турнирот во Женева.

Српскиот тенисер не потклекна пред секогаш незгодниот полски ривал, кој успеа да го добие првиот сет со 7:5, но во следните два се играше тај-брејк.

Ѓоковиќ го искористи искуството и маестрално одигра во решавачката етапа од вториот и третиот сет и со два добиени тај-брејка го комплетираше пресвртот.

За српскиот тенисер ова е остварување на една важна цел, а тоа освојување на стотиот АТП трофеј во својата неверојатна тениска кариера.

Влегувањето во клубот 100 секако е цел која Ноле ја бркаше од Олимписките игри во Париз, па со освоениот јубилеен трофеј сега е во друштво на Рожер Федерер (103) и Џими Конорс (109) кои досега беа единствени двајца со освоени најмалку 100 титули.

109 – Connors
103 – Federer
100 – Djokovic 🆕@DjokerNole joins the 100 club as the third man ever to win 100+ singles titles! pic.twitter.com/mR8a3t5FIq

— Tennis TV (@TennisTV) May 24, 2025