Фудбалерките не можеа да и парираат на силната Франција

Македонската женска фудбалска репрезентација не можеше посериозно да му парира на силниот француски состав во натпреварот од квалификациите за Европското првенство, кој во Скопје заврши со резултат 0:7.

Французинките пристигнаа во нашата земја со максимален учинок по три натпревари, а четвртата победа очекувано ја остварија против Македонија и тоа со убедлива победа.

Нашиот селектор Кирил Изов не можеше да смета на најдобрата репрезентативка Наташа Андонова, Гентјана Рочи беше суспендирана, како и на уште седум фудбалерки кои имаа позитивен тест на КОВИД-19.

Французинките вечерва поведа во 14. минута преку Ле Сомер, истата фудбалерка од пенал зголеми на 0:2, а во 21. минута Катото зголеми на 0:3, што беше резултат на полувремето.

Во вториот дел, гостинките постигнаа два гола преку Де Алмеида и по еден преку Торан и Асеји за конечни 0:7 и задржување на перфектниот скор во квалификациската група.

Македонија останува на една победа по шест натпревари, а следниот настап повторно ќе биде соочување со силната Франција, но на гостински терен.