Претседателот на Ристовски и Адеми: Срамота е да играме на ваков стадион во ЛШ

Динамо Загреб на нашите Стефан Ристовски и Аријен Адеми во Лигата на шампионите на домашен терен ќе игра против Борусија, Милан, Селтик и Монако, а на гости против Баерн, Арсенал, Салцбург и Слован Братислава.

Распоредот на натпреварите ќе биде познат во сабота, а првото коло во Лигата на шампионите ќе се игра од 17 до 19 септември. Еве што изјави претседателот на Динамо, Велимир Зајец по ждрепката:

„Нашиот спортски директор Марко Мариќ кој отиде на ждрепката не е најсреќен. Добивме силни противници, но и противници кои можеме да ги победиме во добра кондиција. Се надевам дека ќе освоиме неколку бодови и можеби ќе одиме понатаму. Нашиот тим е добар, не верувам дека можеме многу да се засилиме. Покажавме колку добро можеме да играме против Карабах“ изјави Зајец.

„Сигурно дека парите што ќе ги земеме и тоа како се добри. Мора да го поправиме клубот, тоа беше ветување и дефинитивно ќе го направиме. Останува само стадионот кој го ветивме, но не знам како ќе заврши. Срамота е што Динамо игра на ваков стадион, не знам како ќе се чувствуваат големите клубови кога ќе дојдат овде.