Несторовски потпишува за последно пласираниот тим во хрватската лига

Македонскиот интернационалец Илија Несторовски по разделбата со Асколи е слободен агент. Се чини дека искусниот напаѓач во финишот на преодниот рок по долги години минати во Италија ќе ја напушти оваа држава.

Но нема да оди далеку и се враќа во добро позната средина, односно држава. Следна дестинација на Прилепчанецот ќе биде одново Хрватска.

Како што пренесува „Јутарни“, последно пласираниот тим на табелата во Хрватска прва лига (ХНЛ), тимот на Славен Белупо ќе биде нова дестинација на Несторовски.

Ова би значело враќање во Хрватска на Македонец кој во сезоната 2014/15 постигна 25 гола во дресот на Интер Запрешиќ и ја освои титулата најдобар стрелец во лигата.

Инаку, Несторовски по заминувањето од Интер потпиша за Палермо, а играше и за Удинезе и Асколи.