Нешто е труло во Реал Мадрид- уште едно разочарување од Мбапе за нов кикс на „кралевите“

Во 3. коло од Ла Лига, Реал Мадрид ремизираше на гостувањето кај Лас Палмас со резултат 1:1. Ова е второ реми во сезоната за тимот на Карло Анчелоти, а некои ѕвезди повторно разочараа.

Лас Палмас добро го започнува натпреварот и поведува уште во петтата минута. Алберто Молеиро се прошета низ одбраната на Реал и го матираше Куртоа за 1:0.

Реал очекувано доминираше на теренот откако прими гол. Сепак, супер силниот напад на Кралевите не можеше да направи премногу. Лас Палмас отиде на одмор со водство од 1:0, а на теренот продолжува истата слика и по паузата. Реал напаѓа, се обидува, но Силесен и тимот одлично се снајдоа во одбраната.

Карло Анчелоти се обиде да направи измени, но во 55. минута домашните за малку не дојдоа до 2:0. Сандро Рамирез пропушти голема шанса.

Една минута подоцна Силесен го одбрани ударот на Килијан Мбапе, а во 67. минута Реал Мадрид доби пенал откако Алекс Суарез играше со рака.Пеналот беше досуден две минути подоцна. Винисиус Јуниор е прецизен и го израмни резултатот на 1:1.

На крајот од натпреварот Реал се обиде да победи. Тргнаа на триумф, но се изгледаше многу лошо во фазата на напад. На крајот Реал не можеше да дојде до три бода. Нова бледа партија одигра Мбапе а во сивилото се вклопи и Винисиус.