Звезда реди победи во Евролигата, „кралевите“ го срушија лидерот на негов терен (ВИДЕО)

Црвена Звезда игра во одлична форма откако екипата ја презема искусниот Душко Ивановиќ, па така „црвено-белите“ денеска ја запишаа четвртата победа во низа во Евролигата.

Составот од Белград славеше над Виртус Болоња со 83-74 и тоа во дуел во кој свој ден имаше Добриќ со 20 поени, додека најголема поддршка му беше плејмејкерот Вилдоза со 16 кошеви.

Ова пак за Виртус беше седми пораз во 11. коло.

Во дербито пак Реал Мадрид како гостин го надигра лидерот Фенербахче со 85-71. Фенер до вечерва не знаеше за негативен резултат пред своите гледачи, ама тоа вечерва се промени пред се благодарение на дуото Таварес-Муса кое реализираше 35 кошеви.

Залудни за домаините беа 20 поени на Мотли.

На останатите терени Баерн во својот дом беше подобар од Макаби со 98-89,  а Панатинаикос му зеде мерка на Жалгирис во Каунас (81-67).