Звезда му се реваншираше на Партизан и го презема врвот во АБА лигата

Црвена Звезда успеа да му се реваншира на Партизан во второто вечно дерби кое се одиграа оваа сезона, а првото во АБА лигата донесе резултат на каков навикнаа навивачите на „црвено-белите“ во последните неколку години.

Партизан не знае за победа над Звезда на гостински терен од 2015-та година и оваа катастрофална серија продолжи и денеска, без оглед на тоа што избраниците на Жељко Обрадовиќ беа во игра за победа до последната минута.

Големото дерби повторно донесе голема неизвесност и тензија во самата завршница, а во такви услови подобро се снајдоа играчите на Звезда кои имаа повеќе нерви.

Офанзивните напади на двата тима сериозно опаднаа во последните 10 минути и видовме многу грешки на двете страни, но сепак во завршните 60 секунди подобри беа домаќините кои со серија од 4:0 го решија победникот.

Партизан не искористи два напади за да дојде до предност при резултат 85:84, па на крајот мораше да гледа како Звезда го добива големото АБА дерби со 89:84.

Овој триумф значи дека Звезда се израмни со Партизан и сега има скор од 11:2, но идентичен биланс има и Будуќност. Фактот што Звезда ги доби двата натпревари против директните ривали прави шампионот да биде на првото место, па така избраниците на Сферопулос се погрижија за извонреден крај на 2024-та година.