Звезда доведе играч со шампионски прстен од НБА лигата

Црвена Звезда се обидува да изгради што подобар, поквалитетен, покомпетитивен тим за престојнава сезона во која цел ќе биде да се врати титулата во АБА лигата и да се стигне што е можно подалеку во Евролигата.

„Црвено-белите“ по потписите на Теодосиќ, Симоновиќ, Ханга, Боломбој, Нејпир, Дос Сантос и Гиедраитис успеа да го ангажираат и искусниот Немања Бјелица.

Бјелица си замина од Фенербахче и со тоа се создадоа услови да се врати во Звезда по пауза од 13 години. Тој имаше одлични сезони во Европа, беше и МВП на Евролигата во 2015 година по што замина во НБА лигата каде беше дел од Минесота, Сакраменто, Мајами и Голден Стејт каде стана шампион во 2022 година.

Немања може да ги покрие позициите 4 и 5 и со своето знаење, умешсност, квалитет може да биде огромно засилување за Звезда по услов да биде фит и подготвен, поточно повредите да се зад него.