Поврзете се со нас

АТП

Зверев со победа против поранешен полуфиналист во Мелбурн, тргна во нов обид за прва грен-слем титула

Објавено

на

foto: x.com/atptour

Александер Зверев не загуби сет против Лука Пуј и со победа од 3:0 се пласираше во втората рунда на првиот грен-слем тениски турнир во 2025 година.

Германецот како втор носител ќе има уште еден обид да го освои првиот грен-слем во кариерата, а на почетокот мораше да се соочи со Французинот кој во 2019 година играше полуфинале во Мелбурн, но годинава настапуваше со вајлд-карта.

Зверев ги доби трите сета со 6:4 и се соочи со само две брејк топки во текот на мечот, па по 142 минути си резервираше место во следната рунда.

Актуелниот турнир во Мелбурн е 36-ти обид на Зверев да дојде до грен-слем титула, а ако успее во десеттиот настап на Аустралијан Опен, ќе се израмни на второто место со Стан Вавринка по бројот на обиди пред да дојде до посакуваниот успех. Рекордер е Горан Иванишевиќ кој го освои Вимблдон на 48. грен-слем настап.

Нареден противник на Германецот ќе му биде шпанскиот тенисер Педро Мартинез.

Advertisement
Advertisement

Италија

Advertisement

Популарни