Зверев по болната елиминација: Дојдов по титула и прво место…

Александр Зверев не ја потврди улогата на фаворит и претрпе убедлив пораз од Денис Шаповалов од 3-0 во осминафиналето на Австралија Опен.

Германецот не беше на посакуваното ниво, односно одигра меч со кој апсолутно разочара и со тоа ја заврши приказната во Мелбурн, турнир на кој дојде со високи амбиции, да ја освои титулата и го преземе првото место на АТП листата.

-Дојдов со цел да ја освојам титулата и да бидам број 1, но не успеав, морам многу подобро. Ако вака играм не заслужувам ништо, ниту титула, ниту прво место, -рече Саша и додаде:

-Видете, Денис очигледно одигра добар натпревар. Не очекував дека ќе игра толку добро, ја заслужи победата затоа што беше одличен, но искрено морав подобро. Она што го направив денес на теренот беше ужасно, мојот најлош натпревар од Вимблдон минатата година. Бев лош цела недела, само одиграв добро против Милман. Не ми помогна тоа што најчесто играв преку ден, а сега навечер, меѓутоа тоа не е оправдување, заврши разочараниот Зверев.