Зверев обезбеди осминафинале во Мајами и постави нов Мастерс рекорд (ВИДЕО)

Александер Зверев е прв фаворот на АТП Мастерсот што се игра во Мајами каде со втората победа која ја оствари денеска обезбеди место во осминафиналната рунда.

Зверев имаше лош почеток на мечот со Џордан Томпсон и губеше со 4-1 во првиот сет, ама во продолжението се разбуди и славеше со 7-5, па воден од оваа енергија и самодоверба на стартот на вториот сет направи брејк што беше доволно затоа што потоа одлучно го чуваше својот сервис и со 6-4 го затвори ова соочување.

Со овој резултат Зверев постави нов рекорд, стана играчот со најмногу остварени победи на Мастерс турнирите од 2020 година, односно од серијата 1000.

За Александер ова беше 81 триумф со што го остави зад себе Стефанос Циципас со 80 и Данил Медведев со 78 победи.

Во овој период Германецот има четири титули и тоа во Рим, Париз, Мадрид и Синсинати.