Зверев нема решение за Фриц, Американецот прв обезбеди билет за финалето во Торино (ВИДЕО)

Тејлор Фриц ја доби битката со Александер Зверев и обезбеди пласман во големото финале на АТП завршниот турнир што се одржува во Торино.

Фриц полека станува нерешлива енигма за Германецот и доказ за тоа е фактот дека ова беше четврта победа во низа на Американецот. Тејлор триумфираше со 2-1 во сетови со 6-3, 3-6, 7-6(3) по скоро два ипол часа игра и утре ќе игра за најголемата титула во досегашната кариера и тоа со победникот од вечерашниот натпревар меѓу Јаник Синер и Каспер Руд.

Со овој пласман Фриц е првиот Американец по Џејмс Блејк од 2006 година кој обезбедил место во финалето на овој завршен турнир.

Воедно тој сигурно ќе биде и прв Американец по споменатиот Блејк (2006 година) со Топ 5 пласман на АТП листата, може да биде и четврти ако Руд не триумфира во северна Италија.

Taylor Made for BIG OCCASSION 💫

🇺🇸 @Taylor_Fritz97 becomes the first American finalist since James Blake in 2006!!!#NittoATPFinals pic.twitter.com/XipMhcaWGm

— ATP Tour (@atptour) November 16, 2024