Зверев доживеа голем шок во Рио, Синер ќе биде број еден барем до Мастерсот во Монте Карло

Александер Зверев доживеа неочекуван пораз во четвртфиналето на турнирот во Рио де Жанеиро и на тој начин му гарантира подолг престој на првото место на АТП ранкингот на Јаник Синер.

Германскиот тенисер загуби од аргентинскиот ривал Франциско Комесана со 2:1 во сетови и неочекувано рано го заврши настапот на турнирот во Бразил, каде во полуфиналето се пласираа дури тројца аргентински тенисери.

Комесана направил пресврт откако го загубил првиот сет и донел голема радост за своите фанови, додека Зверев доживеа ново разочарување откако во Мелбурн повторно извиси за посакуваната прва грен-слем титула.

Овој резултат најмногу му оди во прилог на суспендираниот Јаник Синер, кој сега има гарантирана прва позиција на АТП ранкингот најмалку до крајот на Мастерсот во Монте Карло.

За Комесана ова е најголема победа во кариерата и прво полуфинале во АТП серијата.