Поврзете се со нас

Балкан

Зоран Мамиќ заминал во БиХ, каде подолг период живее неговиот брат

Објавено

на

blank

Доскорешниот тренер на Динамо, Зоран Мамиќ денеска отпатувал во соседна Босна и Херцеговина, објавија вечерва хрватските медиуми.

Мамиќ се повлече од тренерската функција во хрватскиот првак откако доби правосилна пресуда поради која мора да оди во затвор, но денеска легално преку граничен премин заминал во БиХ.

Таму одамна се наоѓа неговиот брат Здравко, кој исто така има активна затворска казна, но изминативе години не им беше достапен на правосудните органи бидејќи не се врати во својата земја.

Адвокатите на Зоран Мамиќ убедуваат дека тој ќе се врати и ќе ја отслужи казната, но тоа не е доволно да ги елиминира сомнежите кај јавноста. Медиумите велат дека имал право да ја напушти државата, затоа што судот не му ја врачил пресудата.

Мамиќ си даде оставка меѓу двата натпревара против Тотенхем во Лига Европа, а доби затворска казна од 4 години и 8 месеци поради финансиски малверзации. Изминативе денови тој изјавуваше дека сака да ја отслужи казната, за потоа да може нормално да живее.

Реклама
Реклама
Реклама

Популарни