Зомер донесе важна одлука која оди во прилог на Интер

Јан Зомер ја започна втората сезона како прв голман на Интер и прв избор на тренерот Симоне Инѕаги, а во клубот сигурно ќе бидат задоволни и од неговата најнова одлука.

Швајцарецот денеска објави повлекување од националниот тим, што значи дека во иднина неговата репрезентација ќе мора да пронајде соодветна замена за голманот кој ќе биде запаметен како еден од клучните фактори за одличните резултати на оваа репрезентација.

– Беше голема чест и привилегија да ја претставувам мојата земја изминатите дванаесет години и на 94 натпревари на високо ниво.

– Со настапот на последното ЕП во земјата каде поминав многу убави години од кариерата дојде време за крај, – вели Зомер во дел од своето долго соопштение.

Швајцарскиот голман има договор со Интер до следното лето, но и опција за продолжување на истиот на уште една година.

 

View this post on Instagram

 

A post shared by 🇨🇭Nati Men (@swissnatimen)