Зиркзе застана во одбрана на Онана: Тоа е смешно…

Андре Онана имаше уште еден неубедлив настап за Манчестер Јунајтед, овојпат против Олимпик Лион во четвртфиналето на Лига Европа.

Камерунецот не се прослави во ремито во Франција (2:2) и беше еден од најслабо оценетите играчи на Јунајтед на оваа пресметка. Со овој настап дојдоа и нови критики на негова адреса, а последните вести се и дека менаџерот Рубен Аморим размислува да го седне на клупа и да му даде шанса на Алтај Бајиндир на мечот со Њукасл во Премиер лигата.

Во одбрана на Онана застана соиграчот Џошуа Зиркзе кој смета дека е смешно да се обвинува голманот за тоа што не славеле во Лион.

-Сто проценти. Ние сме еден тим, така што нема да издвоиме некого поради грешки. Тоа е смешно. Да се ​​ремизира на овој начин е секогаш малку, не сакам да кажам фрустрирачки, но боли. Но, ние само треба да се фокусираме на следниот натпревар, а тоа е Њукасл на гости.

-И тогаш сите знаеме што треба да направиме кога следната недела повторно ќе се соочиме со Лион. Мора да победиме, тоа сите го знаеме. Нема начин да се заобиколи тоа. Тоа е единственото нешто што треба да го направиме… Нема да биде лесно, но сите сакаме да победиме, мора да победиме, па ќе видиме, -порача Холанѓанецот.