Зинченко го нема на списокот, Мудрик ќе ја предводи Украина во Скопје (ФОТО)

Месец јуни е резервиран за натпревари во квалификациите за Европското првенство, а најинтересни за нас се оние што ќе ги игра Македонија.

Еден од противниците е Украина која го објави списокот за таа средба, но и за дуелите со Германија (пријателска) и Малта кои се на програмата од 12 до 19 јуни.

На листата се 27 играчи, плус 5 резерви, список на кој ја нема најголемата ѕвезда Зинченко кој е повреден.
Во неговото отсуство лидер треба да биде Мудрик од Челси, а од поголемите имиња тука се Лунин од Реал, Миколенко од Евертон, потоа Јармоленко, Малиновски и напаѓачот Јеремчук.

Средбата со Македонија се игра на 16 јуни во Скопје. Претходно Украинците ќе играат со Германците на 12, додека на 19 имаат соочување со Малта.