Зијеш постигна гол, па имаше фудбалско недоразбирање со Лукаку на теренот (Видео)

Челси е се подалеку од титулата во Премиер лигата, а тоа стана јасно оваа вечер откако тимот на Томас Тухел забележа нов кикс во обидот да ја намали предност во однос на лидерот Манчестер Сити.

Гостите од Лондон добро отворија на гостувањето кај Брајтон, но голот на Хаким Зијеш сепак се покажа како недоволен за победа и освојување на цел плен.

Челси уште еднаш не оствари победа на натпревар на кој прв поведе, а тоа сигурно посебно ќе го фрустрира Тухел кој веќе неколку пати наврати дека неговиот тим претерано се опушта откако ќе стекне предност на семафорот. И покрај водството во првиот дел, мора да се признае дека Челси имаше доста скромни први 45 минути, по кои незадоволството јавно го искажаа Зијеш и Лукаку.

Двајцата имаа свои спротивставени мислења и имаа што да си кажат еден на друг пред да заминат кон соблекувалната, а интересно, и двајцата беа повлечени од Тухел во вториот дел.

Пред да се случи тоа, Брајтон израмни со голот на Вебстер по еден корнер, па на крајот недоволен беше завршниот налет на „сините“ од Лондон кои одново мораа да се задоволат само со бод.

Hakim Ziyech and Romelu Lukaku are having a difference of opinions heading into the break, despite the Blues' lead… 👀

HT: Brighton 0-1 Chelsea pic.twitter.com/P3mGXTg9bp

— Football on BT Sport (@btsportfootball) January 18, 2022