Зидан се поблиску до отказ, Французинот има поддршка само од неколку фудбалери

Поразот на Реал Мадрид од Шахтјор во Лигата на шампионите, дополнително ги зголеми шпекулациите за иднината на Зинедин Зидан на клупата на шпанскиот шампион.

Медиумите веќе на големо пишуваат дека Флорентино Перез бара солуции за наследник на Французинот, а неуспехот во Украина направил раздор и меѓу фудбалерите.

Таблоидите шпекулираат дека во соблекувалната има се помалку играчи кои го поддржуваат Зидан, додека останатите или се незадоволни поради својот статус или пак од искуство сметаат дека на тимот му е потребна промена.

На списокот играчи кои му даваат безрезервна поддршка на Зидан се Бензема, Варан, Рамос, Менди, Касемиро и Валверде, додека наводно тренерот сериозно ги влошил односите со Азар, Винисиус, Одегард и Родриго.

Главен кандидат за наследник на Зидан засега е Маурисио Покетино, кој е без ангажман откако беше отпуштен од Тотенхем.