Зидан издвои една работа која посебно го загрижила во срамниот пораз од Кадиз

Малиот шпански клуб Кадиз денеска испиша убава фудаблска историја, бидејќи за првпат во 110-годишнината победи на едно гостување кај големиот Реал Мадрид.

Кадиз оваа вечер приреди сензација на гостувањето во шпанската престолнина и славеше со минимални 0:1, а колку всушност Реал Мадрид беше под својот просек на оваа средба најдобро ни говори и реакцијата која ја имаше Зинендин Зидан на полувремето.

Зизу направи дури четири промени и на стартот на вториот дел влегоа во игра Валверде, Милитао, Касемиро и Асенсио, а со исклучок на Рамос кој заработи повреда, останатите тројца беа повлечени од игра поради тактички замисли (Иско, Модриќ и Лукас).

– Не ги направив замените за да опоменам некого. Во овој брод сме сите заедно. Мора да бидеме реални, тие покажаа повеќе желба, имаа подобар ритам и имаа поголема глад за победа. Немаме оправдување, ова беше лош меч и треба да му честитаме на Кадиз. Дефинитивно не сум задоволен, особено од првото полувреме. Бевме многу лоши на стартот и ако ни дадеа два или три гола во првиот дел, немаше да биде незаслужено. Најмногу сум загрижен за нашиот влез во мечот, тоа не чинеше многу и цел натпревар беше лош поради бавниот почеток, – порача Зидан кој порача дека не може да даде прогноза за состојбата на Рамос кој беше заменет поради повреда.

– Рамос имаше болки во коленото и бевме претпазливи. Ќе видиме за што станува збор, – изјави Зизу на една седмица пред „Ел Класико“ дуелот со Барселона.