Зидан: Иднина во Торино? Јувентус е многу важен за мене…

Екипата на Реал Мадрид оствари значаен триумф над Ливерпул (3-1) и со тоа си ги отвори вратите за пласман во полуфиналето на Лигата на шампионите.

Тренерот Зинедин Зидан уште еднаш се покажа како голем мајстор кога се во прашање мечевите од елитното натпреварување и покрај тоа што му фалеа неколку важни играчи, првотимци во составот. Секако овој резулат донесе многу радост во Мадрид, меѓу навивачите на „кралевите“, но во исто време и стравување дека популарниот Зизу може да си замине.

Имено Французинот имаше разговор со поранешниот соиграч Алесандро Дел Пјеро при кој ги остави вратите отворени за враќање во Јувентус, овој пат во улога на тренер.

-Дали повеќе ми недостасува Италија или Дел Пјеро? Двете работи, Италија е во моето срце, минав пет години во Торино и Јувентус се уште е важен за мене. Иднина во Јувентус? Засега сум тука, ќе видиме, -порача Зидан за „Скај Италија“.