Зидан и Меси: Штета е што не можевме заедно да играме, тој е магија, чиста магија…

Зинедин Зидан и Лионел Меси се две големи имиња на светскиот фудбал, асови кои испишаа историја, играчи кои беа или се уште се идоли на многу генерации, легенди кои засекогаш ќе бидат запишани, запаметени во овој спорт.

Токму овие двајца се споија преку Адидас и имаа интересен, искрен разговор на занимливи теми, си испратија комплименти, а Зизу порача и дека е вистинска штета што немале можност заедно да го делат теренот, да играат за иста екипа.

-Штета што не можевме да играме заедно. Ова е моментот да ти ја додадам топката. Денеска е многу важен ден за мене бидејќи можам да му кажам колку му се восхитувам… Мислам дека тој е магија, чиста магија -истакна Зидан по што се јави Меси.

-Отсекогаш сум му се восхитувал и многу ми се допаѓал. Го следев многу во Мадрид. И тој ме натера да страдам многу затоа што бев од Барселона, -порача Аргентинецот.