Жоржињо добил примамлива понуда, може да го напушти Арсенал по само шест месеци

Италијанскиот репрезентативец Жоржињо не успеа да ја оправда инвестицијата на Арсенал и можно е да го напушти премиерлигашот по само една полусезона.

Жоржињо го промени синиот дрес на Челси со тој на новиот вицешампион во јануари, но немаше посебен позитивен ефект во играта на составот на Микел Артета.

Оттука, двете страни размислуваат за разделба, а посебно што Жоржињо добил повик од стар познаник од Италија.

Се работи за тренерот на Лацио, Маурицио Сари, кој соработуваше со играчот за врска во Наполи и го одведе во Челси, а сега би сакал да го види во дресот на римскиот клуб како солидно засилување за следната сезона.

За фудбалерот делува привлечно тоа што ќе може да смета на поголема минутажа во италијанскиот тим, а исто така со Лацио ќе биде дел и од Лигата на шампионите.