„Жога бонито“ во Минхен: Мусиала со велемајсторски дриблинг го уништи Ермосо (Видео)

Баерн Минхен покажа класа во првата осминафинална пресметка против Баер Леверкузен во германското дерби, а конечните 3:0 многу лесно може да бидат и 4:0.

Жоао Палиња имаше стопроцентра шанса во 95-та минута за целосно да ги нокаутира „фармацевтите“, но неговиот обид од непосредна близина заврши во гредата.

Ударот на Палиња не беше моментот за издвојување од оваа акција, која фановите од Минхен дефинитивно посебно ќе ја паметат по велемајсторијата која ја изведе Џамал Мусиала.

Спектакуларниот играч на Баерн креираше бразилски потег на „Алијанц арена“ и на мајсторски начин го измести Ермосо, па вистинска штета е што Палиња не ја заврши акцијата со гол.

Мусиала претходно го постигна вториот гол за Баерн, па заедно со Кејн беа убедливо најдобри играчи на теренот во убедливата победа од 3:0.

Дриблингот погледнете го ТУКА