Жоао Феликс за досегашниот престој во Барселона: Како што можете да видите…

Португалскиот репрезентативец, Жоао Феликс ја избра Барселона за своја дестинација во актуелнава кампања, поточно се пресели во таборот на шпанскиот великан на едногодишна позајмица од Атлетико Мадрид.

Феликс едноставно не сакаше да остане во таборот на Атлетико, јавно искажа љубов кон Барселона и со тоа си го отвори патот кон „Камп Ноу“. Офанзивецот имаше добри настапи, минути во досегашниот престој во кој даде три погодоци, забележа и неколку асистенции на осум натпревари, па и самиот тој признава дека е среќен што го носи дресот на клубот од Каталонија.

-Како што можете да видите, среќен сум таму каде што сум, се чувствувам добро, самоуверено и се чувствувам како да поминувам низ добар момент. Најтешко е да се одржи добро ниво, нешто што не сум го постигнал извесно време во последните сезони.

-Ама јас работам секој ден и секогаш се трудам да се подобрам за да ги поправам тие помалку позитивни аспекти од себе. И да, среќен сум и поминувам низ убаво време, -порача Феликс.

Се појавија информации дека Барселона решила да го задржи Португалецот, меѓутоа останува да се види тоа на дело, дали навистина ќе се реализира со оглед на специфичната финансиска состојба на шпанскиот прволигаш.