Поврзете се со нас

Италија

Жиру и Пулишич обезбедија сигурна победа за Милан (Видео)

Објавено

на

Foto:twitter.com/acmilan

Милан тргна онака како што посакува во новата натпреварувачка сезона во Серија А, бидејќи реновираниот тим на Стефано Пиоли позитивно одговори на првиот тест и лесно славеше на „Ренато Далара“.

„Росонерите“ со видно изменет изглед ја почнаа новата кампања и некои други играчи ќе треба да ја преземат главната улога во играта на тимот, каков што е случајот со Кристијан Пулишич кој постигна мајсторски гол на дебито.

Американскиот репрезентативец имаше деби од соништата во Калчото и постигна мајсторски гол за водство од 0:2 против Болоња, тим кој претходно веќе беше „начнат“ од Оливие Жиру.

Францускиот ветеран продолжи онаму кадешто застана минатата сезона и повторно ја покажа својата класа во шеснаесетникот, па овие два моменти беа доволни за лесна и сигурна победа.

Милан го контролираше противникот во текот на сите 90 минути и во вториот дел рутински го приведе мечот до крај, а Рафаел Леао за малку ќе постигнеше гол за 0:3, но ја погоди само стативата.

Реклама
Реклама
Реклама

Популарни