ЖФК Каменица Саса покажа моќ против АС Јунајтед и стигна до првата титула во Купот на Македонија

Екипата на Каменица Саса е новиот освојувач на Купот на Македонија во женска конкуренција откако со убедливи 4:0 славеше против тимот на АС Јунајтед.

Во финалето одиграно во тренинг центарот на ФФМ „Петар Милошески, тимот од Македонска Каменица покажа надмоќ врз противникот и сосема заслужено стигна до својот прв трофеј во купот.

Каменица Саса уште од почетокот на средбата ја презеде иницијативата во свои раце и веќе во 8. минута имаше предност од 1:0.

Веќе во 22 минута следеше погодок за 2:0, а истиот беше дело на  Ленче Андреевска. Со овој резултат се замина на полувреме, а во вториот дел видовме уште два гола.

Андреевска погоди и за 3:0 во 51. минута, а конечниот резултат го постави Пејтон Чик за конечна победа на Каменица Саса.