Ждрепката за Лига купот најави „дерби“ во Лондон и незгодно гостување за Ливерпул

Премиерлигашките клубови ќе имаат сериозна задача во осминафиналето на англискиот Лига куп, откако со ждрепка се одредени паровите за оваа рунда.

Најатрактивен, барем на хартија, е парот меѓу Тотенхем и Манчестер Сити, но двете екипи имаат различни амбиции во Лига купот.

Додека Анге Постекоглу и неговите избраници веројатно максимално ќе се борат за трофејот во ова натпреварување, Пеп Гвардиола веќе најави дека планира да игра со втор тим во следната рунда и веројатно ќе остане на одлуката.

Ливерпул ќе му гостува на Брајтон, што секако не е најпосакувано сценарио за „црвените“, додека може да се очекува уште едно премиерлигашко дерби бидеќи Њукасл допрва ќе игра со Вимблдон во претходната рунда, а победникот ќе се соочи со Челси.

Манчестер Јунајтед ќе игра дома против Лестер, додека Арсенал ќе биде фаворит на гостувањето кај Престон.

Натпреварите ќе се играат на крајот на октомври.

🏆 The Fourth Round draw!#EFL | #CarabaoCup pic.twitter.com/oGPVzdymWt

— Carabao Cup (@Carabao_Cup) September 25, 2024