Ждрепката за англискиот Лига куп со промена која оди во прилог на големите клубови

Денешните последни натпревари од второто коло на англискиот Лига куп се најава и за ждрепката за следната рунда, а таа годинава ќе претрпи промени и ќе биде полудиригирана.

Вообичаено нема никакви ограничувања меѓу можните противници во третата рунда и сите клубови се наоаѓаат во еден шешир, но во годинешново издание ќе биде направен исклучок, кој оди во полза на големите клубови.

Претставниците во европските купови, односно Манчестер Сити, Арсенал, Ливерпул, Астон Вила, Тотенхем, Манчестер Јунајтед и Тотенхем нема да можат да се сретнат меѓу себе, а промената е објаснета со фактот што термините за третото коло се совпаѓаат со настапите на овие клубови во ЛШ и Лига Европа.

Во првиот дел на ждрепката ќе бидат извлечени само овие клубови, кои подоцна ќе ги добијат противниците од преостанатите учесници во третото коло, а откако ќе бидат комплетирани шесте парови, другите екипи ќе бидат повторно извлекувани без никакви ограничувања.

Промената важи само за третото коло и во продолжение нема да има полудиригиран принцип на влечење на ждрепката.