Ждрепка за четвртфиналето на ФА купот: Тешко гостување за Сити

Манчестер Сити помина најлошо во денешната ждрепка за четвртфиналето на ФА купот, која федерацијата ја реализираше веднаш по крајот на дуелот меѓу Манчестер Јунајтед и Фулам.

Токму лондонскиот состав претпоследен обезбеди место меѓу најдобрите осум во ова натпреварување, а за следен противник го доби градскиот ривал Кристал Палас.

Тоа е најава за неизвесен дуел во кој двете екипи ќе имаат големи амбиции, додека Астон Вила ќе му гостува на Престон, единствениот тим кој не е премиерлигаш во ова друштво.

Манчестер Сити помина лошо во ждрепката бидејќи ќе треба да му гостува на незгодниот Борнмут, а во последниот пар се најдоа Брајтон и Нотингем Форест или Ипсвич.

The draw for the FA Cup quarter-finals 🤩

Who is going to go through? 🏆#FACup #BBCFootball pic.twitter.com/QbKwvhS6xg

— BBC Sport (@BBCSport) March 2, 2025