Ждрепка за четвртфинале во Купот: Вардар ќе го пречека Силекс, дерби натпревар ќе се игра во Струга

Ждрепката во Фудбалската федерација на Македонија навести интересни соочувања во четвртфиналето на македонскиот Куп, а истата одреди и две прволигашки пресметки.

Вардар ќе го пречека Силекс и ќе се обиде да ја елиминира екипата која обезбеди најдобар скор по првиот дел од домашното првенство, додека дерби ќе играат и Струга ТЛ и Гостивар и само еден од овие два тима ќе обезбедат место во полуфиналето.

Детонит Плачковица ќе има можност да се избори за големо изненадување во соочувањето со Шкендија, додека Брера АП пред своите фанови ќе се соочи со Аресими.

Натпреварите ќе се играат на 26. февруари од 14 часот.