Жална вест од Јужна Америка: Репрезентативец на Еквадор почина на 22-годишна возраст

Фудбалската јавност во Еквадор е шокирана од информацијата за смртта на 22-годишниот фудбалер Марко Ангуло.

Членот на еквадорскиот клуб ЛУД Кито не успеа да ја добие најтешката битка, откако повеќе од еден месец се бореше за живот по тешките последици од сообраќајна несреќа.

Ангуло во октомври доживеа сериозен судир во градот во кој ја градеше фудбалската кариера, а по неколку недели на интензивна нега и неколку оперативни зафати, докторите соопштија дека Ангуло починал.

Во сообраќајната несреќа загинаа уште две лица, вклучувајќи уште еден фудбалер, односно Роберто Кабезас.

Ангуло важеше за еден од најталентираните еквадорски фудбалери и веќе запиша три настапи за националниот тим.