Жалгирис ја продлабочи кризата на Реал среде Мадрид

Реал Мадрид воопшто не делува како шампионски тим до оваа фаза на сезоната во Евролигата, а денеска се погрижи да го има најслабиот старт на една сезоната во најелитното европско натпреварување.

Билансот од 6 победи и дури 9 порази е најлош за „кралевите“ од постоењето на Евролигата, криза која беше продлабочена поради денешниот нов неуспех на домашен терен.

Жалгирис доминираше и го диктираше темпото во текот на целиот меч и сосема заслужено оствари победа во „Визинк“ центарот, па така литванскиот тим со триумфот од 83:92 се искачи на шестото место на табелата со позитивен учинок од 9 победи и 6 порази.

Вокер со 21 и Франсиско со 17 беа творци на големата победа на Жалгирис, тим кој најголемата разлика ја направи во првото полувреме кога имаше и плус 19.

Ова се покажа како преголема негатива за надокнадување, па така Реал се погрижи само за подостоен пораз кој сепак нема да го намали алармот кој веќе на големо е вклучен во шпанската престолнина.