Поврзете се со нас

Евролига

Жалгирис ја нокаутираше Звезда со страшна серија, Олимпијакос го победи Реал

Објавено

на

Foto:twitter.com/bczalgiris

Црвена Звезда беше на праг да забележи огромна победа во Каунас во 20-то коло во Евролигата, но во одлучувачките моменти дозволи страшна серија на Жалгирис и капитулураше во Литванија.

Гостите од Србија водеа со седум поени разлика на нешто помалку од четири минути до крајот, но при резултат 57:64 избраниците на Ивановиќ се блокираа и следеше страшна серија на домаќинот.

Жалгирис направи 13:0 во краток временски интервал и на 30-тина секунди пред крајот дојде до предност од 70:64, по што стана јасно дека бодовите остануваат во Каунас.

На крајот, мечот заврши 71:66 и беше комплетиран извонреден пресврт од домашниот тим кој со четвртата победа во низа се искачи на петтото место.

Звезда сега е десетта, а од денес има нов лидер во Евролигата, бидејќи Олимпијакос на домашен терен го победи Реал Мадрид. „Кралевите“ изгореа во пеколот во Пиреја со резултат 73:60 и му го препуштија првото место на табелата на противничкиот тим.

Реклама
Реклама
Реклама

Популарни