Замената на Кејлор Навас направи аматерска грешка, ПСЖ стартуваше со пораз во новата сезона (Видео)

Коронавирусот сериозно го нападна ПСЖ и тренерот Томас Тухел вечерва настапи со преполовен тим, а тоа се одрази и на конечниот резултат на првиот натпревар кој го одиграа „светците“ во новата натпреварувачка сезона.

Тухел не може да смета на седум стартери поради коронавирусот и меѓу нив се Нејмар, Мбапе, Ди Марија и Кејлор Навас, а токму замената на костариканскиот чувар на мрежата кумуваше во првиот пораз на ПСЖ.

Францускиот првак вечерва загуби на гостувањето кај Ленс со 1:0, средба на која пресуди само еден постигна гол, кој дојде по една аматерска и катастрофална грешка на вториот голман.

Марсин Булка му ја подаде топката на противникот Ганаго, а напаѓачот на Ленс немаше проблеми и без потешкотии ја затресе мрежата на гостите.

За Ленс ова беше прва победа на вториот меч во Лига 1, додека ПСЖ дефинитивно изгледа непрепознатливо без најголемите ѕвезди во составот.