Залетаната ЦСКА немаше проблеми со Олимпијакос, Фенербахче во Русија стави крај на лошата резултатска серија (ВИДЕО)

Кошаркарите на ЦСКА Москва ја прославија седмата победа во низа во Евролигата, а најнова нивна жртва беше Олимпијакос кој беше поразен со 19 разлика (80-61).

Фаворитот од четвртина во четвртина ја градеше предноста и патот до нов триумф кој го одбележаа Џејмс со 16 и Шенгелија со 10 поени. Двоцифрени кај грчкиот претставник беа Принтезис и Мартин со по 10 кошеви.

Фенербахче во Русија против Зенит стави точка на лошата резултатска низа, поточно четирите порази во серија. Турскиот клуб загуби од Барселона, Реал Мадрид, Басконија и Валенсија, а токму тоа донесе дополнителна мотивација за да истите се „избришат“ со славје во „Сибур Арена“, цел која избраниците на Кокошков на крајот и ја остварија.

Тимот од Истанбул победи со 73-65, се истакна центарскиот двоец Весели и Бартел, првиот заврши со 17 поени и 4 скокови, вториот со 15 поени и 5 скокови.

Томас и Пангос за домаќините искомбинираа 26 кошеви.

Останати резултати:

Валенсија-Алба 92-100

Милано-Панатинаикос 77-80

Макаби ТА-Црвена Звезда 81-76