Зајков: Против Малта не чека сосема поинаков меч

Македонија го остави зад себе разочарувачкиот квалификациски прозорец од месец јуни и во саботата одигра нерешно со репрезентацијата на Италија, но сега го продолжува својот пат во циклусот со гостување во Малта.

Нашиот најсилен национален тим утре ќе одигра натпревар против домашната селекција над која остваривме победа во Скопје, а позитивниот резултат против „аѕурите“ секако ќе биде мотив плус за нова добра претстава.

– Да одиграме одговорно како на мечот со Италија, да го дадеме максимумот против тим кој не е наивен. Малта има свои квалитети и не смееме да ги потцениме. Треба да се вложиме максимално за да се обезбедиме победа.

– Мечот со Италија беше поинаков, тоа е квалитетен ривал против кој мора и да се браните во текот на натпреварот. Утре очекуваме поинаков меч против Малта, ќе мора да се наметнеме и да нападнеме доколку сакаме да се вратиме со три бода.

– Наше е да излезе на терен и да бидеме поофанзивни. Во денешно време не постои фаворит, тоа е само на хартија. Не чувствувам притисок на било кој меч кој го играм, треба да уживаме во фудбалот и да ги израдуваме навивачите кои ќе не гледаат во Македонија, – изјави дефанзивецот Ѓоко Зајков.