Забаленка направи пресврт и ја освои првата грен слем титула во кариерата

Арина Забаленка веќе подолго време е при самиот врв во женскиот тенис, но денеска го оствари својот најголем успех во кариерата со победата во финалето на Аустралијан Опен.

Во еден возбудлив и крајно израмнет финален меч на „Род Лејвер арена“, на крајот Белорусинката беше онаа која имаше повеќе нерви, но и повеќе знаење во дуелот со Елена Рибакина.

Казахстанката беше таа која подобро го отвори мечот и која поведе со 1:0 во сетови (6:4), но Забаленка го немаше кажано завршниот збор и се избори за херојски пресврт.

Белорусинката возврати со 6:3 и израмни на 1:1, а потоа доволен и беше еден брејк за да стигне до најважната победа во својата досегашна кариера (6:4).

За Забаленка ова е прва грен слем титула и највисок дострел во тенисот, но со оглед на тоа што има 24 години, пред неа се уште големи моменти во „белиот спорт“.