За Лендл не постои најголем на сите времиња: Ги подели најдобрите во две ери

Иван Лендл е прославен тенисер кој важи за еден од најдобрите кои некогаш се појавиле, но сепак самиот тој не се смета ниту приближно добар како актуелната тројка која се бори за приматот најдобар во Опен ерата.

Рожер Федерер, Рафаел Надал и Новак Ѓоковиќ се во тесна битка за добивање на епитетот „ГОАТ“, а според мирниот Чех кој е препознатлив по непокажувањето чувства на теренот и надвор од него, клучен фактор ќе бидат освоените грен слем титули.

Како што вели Лендл, за него не постои најдобар на сите времиња, туку најдобар во Опен ерата и онаа што претходеше во почетоците на овој спорт.

– Новак, Рафа и Рожер се оние меѓу кои се води битка за најдобар во Опен ерата на тенисот. Оној кој ќе има најмногу освени грен слем титули, треба да биде нарекуван најголем во цела ера. Од друга страна, за мене најдобар тенисер во пред Опен ерата е Род Лејвер.

– Во моментов води Федерер, но трката не е завршена. Ќе биде возбудливо уште неколку години според моја гледна точка, – завршува Лендл кој во својата блескава кариера освои осум грен слем титули, или вкупно 94 трофеи.