Вулверхемптон го потврди името на новиот менаџер

Раководството на Вулверхемптон реагираше експресно во рамките на менаџерската смена и денеска го потврди новиот предводник на клубот.

„Волците“ го отпуштија Гери О’Нил поради слабата резултатска серија, а денеска потврдија дека неговото место ќе го заземе Витор Переира.

Португалскиот стручњак добил 18-месечен договор од премиерлигашот и прифатил нов голем предизвик во кариерата, во која работеше на неколку континенти.

Интересно е тоа што клубот ќе мора да плати отштета од 1 милиони фунти за да го добие Переира веднаш, а сумата ќе му биде исплатена на саудиски Ал Шабаб, кој ќе го ослободи Португалецот од актуелните обврски.

Переира во минатото ги водеше Порто, Олимпијакос, како и тимови во Кина и Бразил.