Вторите тестирања донесоа позитивни: Наполи потврди два корона-случаи во својот тим (Фото)

Неполн час откако Џенова ги објави најновите резултати од направените тестови за Ковид 19, со официјално соопштение излезе и Наполи, тимот кој последен играше против составот предводен од тренерот Маран во Серија А.

Поради корона кризата која настана во Џенова која веќе брои 19 заразени членови од коронавирус, сите претпазливи мерки се преземени и во клубот од Неапол, кој ова попладне ја информираше јавноста дека вторите тестирања покажале два позитивни резултати.

Откако пред два дена сите направени тестови врз играчите и стручниот штаб беа негативни, денеска има два позитивни случаи.

– Пјотр Зиелински и членот на стручниот штаб, Џјандоменико Кости имаат позитивни резултати на Ковид 19 по направените тестови во текот на вчерашниот ден.

Наполи исто така ја информираше јавноста дека ќе ги тестира фудаблерите и по трет пат пред со Јувентус, по што ќе се знае кои фудбалери ќе можат да настапат на дербито.

Што се однесува до македонската репрезентација, останува да чекаме добри вести кога е во прашање Елиф Елмас, бидејќи зачестените тестирања во наредните неколку дена ќе имаат огромно значење за фудбалската јавност во нашата земја во пресрет на дуелот со Косово.

Piotr Zielinski and staff member Giandomenico Costi have tested positive for COVID-19 following Thursday's round of testing.

— Official SSC Napoli (@en_sscnapoli) October 2, 2020