Вториот најбрз Британец во историјата ќе дебитира на СП во боб санкање

Поранешниот британски атлетичар Џејмс Дасаолу претстојниот викенд првпат ќе ја претставува својата земја на Светското првенство во боб.

33-годишниот Дасаолу е втор најбрз спринтер во британската историја, а од неодамна реши да го замени спортот, избирајќи го боб санкањето како најдобра опција да го потврди својот потенцијал и на друго поле.

Дасаолу ќе се натпреварува заедно со олимпискиот учесник Ламин Дин во боб двосед на СП, на натпреварите планирани за време на викендот во Австрија.

Тој дебитираше во новиот спорт на Европа куп натпреварувањето, каде заедно со Дин го освоија осмото место.

Дасаолу во атлетската кариера истрча 100 метри за 9,91 секунди, а побрз Британец од него е само Линфорд Кристи, кој во 1993 година оваа делница ја истрча за 9,87 секунди.