Втората контроверзна боксерка обезбеди медал на ОИ во Париз

Боксерскиот турнир во женска конкуренција го привлече вниманието на јавноста само поради контроверзите поврзани со две натпреварувачки, кои се оспорувани од дел од ривалите и нивните федерации и кои ја поделија јавноста.

Зголеменото ниво на тестостерон кај Иман Келиф од Алжир и Лин Ју-Тинг од Тајван донесоа жестоки коментари и обвинувања, при што голем дел од јавноста бараше да бидат дисквалификувани, односно да добијат ист третман како кај Светската боксерска асоцијација, која пак не е призната од Интернационалниот олимписки комитет.

И покрај дебатата, Алжирката Келиф си обезбеди медал уште вчера, а денеска тоа го направи и Лин, кој славеше во борбата со бугарската репрезентативка Светлана Станева.

Претставничката на Тајван го добила дуелот на поени, односно по гласањето на судиите, а Станева јасно гестикулирала дека загубила во нерамноправен меч, алудирајќи на барањето Лин да не се натпреварува на женскиот турнир.

Келиф и Лин со пласманот во полуфиналето во своите категории си обезбедија барем бронзен медал, а допрва ќе се види дали ќе влезат и во битка за златото.