Втор фудбалер на ПСЖ прифати преселба во Катар

Клубовите од Саудиска Арабија го украдоа шоуто во последниот преоден рок, но изминативе денови активност покажуваат и ривалите од Катар.

Откако стана јасно дека Марко Верати го напушти ПСЖ и потпиша за катарскиот клуб Ал Араби, денеска сличен потег направи и негов досегашен соиграч.

Се работи за германскиот интернационалец Јулијан Дракслер, кој долго време се поврзуваше со повеќе клубови, па и враќање во својата земја, за на крајот да ја прифати понудата на катарски Ал Ахли.

Првично Дракслер ја одбил понудата и му соопштил на клубот дека сака да остане во Париз поради семејни причини, за на крајот да се сложи да настапува во Катар, а ПСЖ ќе добие 20 милиони евра од овој трансфер.

Германецот го засили ПСЖ во 2017 година, а минатата сезона ја мина како позајмен играч во редовите на Бенфика.

❗️Excl. News #Draxler: The 29 y/o has now decided to join Al-Ahli SC in 🇶🇦!

✔️ Contract until 2025
✔️ Probably more than €20m transfer fee!

➡️ Turnaround in the last hours …
➡️ … after rejecting the offer from Al-Ahli on Saturday and choosing to stay in Paris for family… pic.twitter.com/tW4LqQkG6x

— Florian Plettenberg (@Plettigoal) September 14, 2023