Врањеш и посака среќа на Македонија по возбудливиот меч: Ова беше балканско дерби….

За „Дерби“ од Унгарија,
Ристе Влахов

Љубомир Врањеш ги издвои освоените два бода како најдобра вест од натпреварот против Македонија, бидејќи нашата селекција му нанесе навистина големи главоболки во текот на 60-ти минути на пресметката во Дебрецин.

Младите ракометари на селекторот Кирил Лазарво понудија фајтерска битка и со храбро издание го измачија фаворитот, па дефинитивно имаат и за што да жалат со оглед на тоа што на моменти беа и навистина подобар противник.

На крајот пресуди искуството во корист на фаворитот и Словенија ги запиша првите бодови во групата, во која до крајот ние ќе ги одмериме силите и со Црна Гора и Данска.

– Беше тешко за нас денеска, Македонија игра добро, направи работите да бидат навистина тешки за нас. Покажавме дека сме добар тим и успеавме да се снајдеме на теренот. Видете, зборуваме за балканско дерби, знаевме дека ќе биде тешко против Македонија.

– Задоволен сум од двата поени, ова е прв меч, сметам дека играчите покажаа добра ернгија, се бореа и дадоа максимум. Немавме ефикасност каква што сакавме пред голот, но тоа може да се подобри. Тоа е единствената негативна работа, но како и да е, два бодата бода се кај нас. И посакувам на Македонија се најдобро на следните натпревари, а ние ќе се обидеме да бидеме подобри на теренот на средбите кои претстојат, – изјави селекторот Врањеш на пресот.