Вознемирувачка сцена од ОИ во Пекинг: Финец со скиите „слета“ на камерманот кој снимаше крај патеката (Видео)

Вознемирувачки инцидент се случи во денешната програма од Олимписките игри во Пекинг кој за среќа помина без посериозни последици.

Финскиот фристајл скијач, Јон Салинен буквално „слета“ со своите скии врз главата на камерманот кој од самиот раб го снимаше настапот на скијачот.

На половина од трката, Салинен загуби контрола и удри во камерманот кој веднаш падна по ударот, но за среќа не се здоби со посериозни последици.

– Не бев ни сигурен дали ќе скијам во вториот обид по мојот судир. Се надевам дека камерманот е во ред, слетав директно на него, -изјави Салинен.

Финецот не успеа да обезбеди пласман во второто возење откако заврши на последното, 23 место во квалификациите.

⚠️ Watch out for the cameraperson! 💥

Does Jon Sallinen owe them a new camera? 🎥😉#Beijing2022 pic.twitter.com/0la1rF5kmD

— Eurosport (@eurosport) February 17, 2022