Воска Спорт донесе три засилувања од Финска

„Фенерџијата“ во Првата македонска лига составот на Воска Спорт официјализираше три засилувања за вториот дел од шампионатот.

Клубот од Охрид ја информираше јавноста дека клубот е освежен со тројца играчи кои досега настапуваат во Финска. Филип Валенчиќ е интернационалец од Словенија кој последниот ангажман го имал во Хонка, а претходно бил дел од клубови од својата татковина, Италија, Англија, Норвешка, Белорусија, Исланд и Полска.

Потоа тука се двајцата фудбалери кои доаѓаат од Хака и се Финци, 30-годишниот Туре Сира кој своевремено бил дел од младинските селекции на својата земја и Оива Лаксонен, офанзивец кој има 21 година.