Волвс платија 17 милиони фунти за првиот трансфер во ерата на Переира

Португалскиот стручњак Витор Переира беше доведен на клупата на Вулверхемптон за да го извлече тимот од лошата резултатска серија, а оттогаш „волците“ барем малку го поправија впечатокот кај фановите и својата позиција на табелата.

Переира сега доби можност да побара и одредени засилувања за тешкиот втор дел од сезоната, а раководството му овозможи искусен француски дефанзивец.

Се работи за 27-годишниот Емануел Агбаду, кој доаѓа од Ремс и за кого францускиот клуб ќе добие 16,6 милиони фунти, а треба да ја засили одбраната на премиерлигашот.

Агбаду е интернационалец од Брегот на Слонова коска, пред Ремс настапувал за белгискиот прволигаш Ујпен, а ќе биде сериозно освежување за екипата која го загуби Москера поради сериозна повреда и Килман поради трансфер во редовите на Вест Хем.

Волвс имаат трет најлош ефект сезонава во Премиер лигата, а само поради подобрата гол-разлика се надвор од опасната зона на табелата во англиското елитно натпреварување.