Волкот: Тој е делот што недостасува во сложувалката на Реал

Поранешниот англиски репрезентативец, Тео Волкот има интересен став за играчот кој според него е идеален за Реал Мадрид.

Доаѓањето на Килијан Мбапе во Реал како да ги „измеша картите“ и екипата не е на посакуваното ниво во актуелнава сезона. „Кралевите“ имаат врвни играчи во тој дел на теренот, ама ниту еден од нив не е класична деветка и тоа дефинитивно се чувствува во досегашниот тек на кампањата.

Дали Анчелоти ќе пронаде соодветно решение ќе покаже времето, но Волкот говорејќи за Александер Исак од Њукасл смета дека е идеален фудбалер, делот што недостасува во сложувалката на составот од шпанската престолнина.

-Исак е играч кој навистина му треба на Арсенал, но би рекле на сите им треба играч како него во нивниот тим, дури и на Ливерпул, ама не само тимовите од Премиер лигата ќе се обидат да го ангажираат.

-Погледнете го составот на Реал Мадрид во овој момент. Тие одат по овие Галактикоси и ги купуваат овие неверојатни таленти, но понекогаш ги ставаат на позиции каде што не можат баш тоа да го направат.Би рекол дека ако го ставите Исак во тој тим на Реал, тогаш тој ги составува на поинаков начин, каде што можеби мислите дека сега изгледаат како многу добро избалансиран тим.

-Тоа е нивото на кое се наоѓа, јас апсолутно можам да разберам зошто сите врвни тимови би го посакувале, -вели Волкот за „Би-Би-Си“.